رویټرز خبري اژانس په غزه کې د روغتیايي چاواکو له قوله راپور ورکړی، چې د اسرائیلو په دوو جلا بریدونو کې درې فلسطیني وګړي شهیدان شوي او څلور نور ټپيان دي. د راپور له مخې دا بریدونه د غزې تړانګې په شمال او سویل کې شوې دي. د راپور پر بنسټ لږ تر لږه د غزې شمال په تفاح سیمه کې دوه کسان وژل شوي او همدارنګه یو ۴۱ کلن سړي په خان یونس کې ژوند بایللی دی. له دې وړاندې روغتیايي چارواکو خبر ورکړی و چې د غزې ښار د یوې څو پوړیزې ودانۍ د بام پر سر یوه اسرائیلي بې پيلوټه چاودلې چې له کبله څلور ملکیان ټپيان شوي دي.
