د پېښو پر وړاندې د مبارزې د چمتووالي ادارې ویلي، چې په ننګرهار، کابل، پروان، بامیان، میدان وردګو، کندهار، جوزجان او فاریاب ولایتونو کې د وروستیو ورښتونو له امله د مړو شویو کسانو شمېر له ۴۰ اوښتی دی. د یادې ادارې ویاند محمد یوسف حماد ویلي، چې په دې پېښو کې لسګونه کسان ټپیان شوي او له ۳۰۰ څخه زیات کورونه ویجاړ شوي دي. تر دې وړاندې له طبیعي پیښو سره د مبارزې د چمتوالي ادارې د هېواد په یو شمیر ولایتونو کې د بارانونو او واورې ښویدنې له امله د ۱۱ کسانو د مړه کېدو او ۴ نورو د ټپي کېدو خبر ورکړی و.
