د ملګرو ملتونو له ماشومانو د ملاتړ صندوق (یونیسف) راپور ورکړی، چې په کابل، ننګرهار، جوزجان او بادغیس ولایتونو کې څه باندې ۲۶ زرو کسانو ته د اوبو رسولو سیستمونه رغول شوي دي. په راپور کې راغلي، چې د اوبو رسولو دا سیستمونه یې د ملګرو ملتونو د بشردوستانه مرستو د همغږۍ دفتر (اوچا) سره په ګډه له وچکالۍ ځپلو سیمو سره د مرستې په موخه رغولي دي. په راپور کې ټينګار شوی چې د اوبو رسولو سیستمونو بیارغونه د هغو هڅو یوه برخه ده چې سیمو ته د خوندي اوبو برابرول یقیني کوي، هغه سیمې چې په وروستیو کالو کې د سختې وچکالۍ له شدیدې اغېزې سره مخ دي.
