د لغمان ولایت د دفتر رییس شکرالله کاوون وايي، د کورنیو چارو وزارت د ورغلي پلاوي د سپارښتنو پر بنسټ په دې ولایت کې د اداري واحدونو د ډېرېدو لپاره سرخکان، نیازي او شمکټ سیمې د نویو ولسوالیو د جوړېدو په موخه ټاکل شوې دي. نوموړي زیاته کړې، چې په همدې تړاو یوه ځانګړې کمېټه پر کار بوخته ده، څو د یادو سیمو ټول اړین معلومات راټول کړي او وروسته یې د منظورۍ لپاره د ا.ا د مشرتابه مقام ته وسپاري. د یادونې وړ ده چې لغمان ولایت دا مهال د مهترلام ښار او شپږو ولسوالیو په ګډون اووه اداري واحدونه لري.
