د سلام مخابراتي شبکې ۱۰ مخابراتي سایټونه، چې د مخابراتو وزارت د اترا ادارې د TDF بودجې له لارې د کونړ په مرکز او د خاص کونړ، څوکۍ، سرکاڼو، شیګل، شلتن، وټهپور، چپې درې او اسمار ولسوالیو کې جوړ شوي وو، «فورجي» ته لوړ شوي دي. له دې سره به د یادو سیمو اوسېدونکي د غوره مخابراتي او چټکو انټرنېټي خدمتونو څخه برخمن شي. همدارنګه ویل شوي، چې په نږدې راتلونکي کې به د کونړ په یو شمېر نورو سیمو کې هم د مخابراتي انتنونو ظرفیت «فورجي» ته لوړ کړل شي.
