د لوګر د عامې روغتیا ریاست مسوولین وايي، چې د یونیسف په مالي ملاتړ او د کف موسسې په تخنیکي همکارۍ د دې ولایت له ۶۰ روغتیايي مرکزونو سره د نږدې ۳۰۰ زره ډالرو په ارزښت د درملو مرسته وشوه. د لوګر د عامې روغتیا رییس ډاکټر محمد زرک ځیرک ویلي، په دغو درملو کې انتيبیوټیکونه، درد کمونکي، سیرومونه او نور طبي توکي شامل دي چې په روان ژمي کې به د ناروغانو د درملنې او د ساري ناروغیو د مخنیوي لپاره ګټور تمام شي.
