د ملګرو ملتونو له ماشومانو د ملاتړ صندوق (یونیسف) پر خپله اېکس پاڼه لیکلي، چې په افغانستان کې له زلزلهځپلو کورنیو ملاتړ کوي. یونیسف ویلي، چې په مرستو کې یې ګرمې جامې، پاکې اوبه، نغدي پیسې او ماشومانو ته دلنډمهالو ښوونیزو چاپېریالونو برابرول دي څو د زیانمنو کورنیو بېړنۍ اړتیاوې پوره شي. دا مرستې داسې مهال کېږي چې ګڼې زلزلهځپلې کورنۍ لا هم مناسبه سرپناه نه لري او په روان ژمي کې له پراخو ننګونو سره مخ دي. له دې وړاندې ملګرو ملتونو ویلي و چې افغانستان په یو وخت کې له څو بحرانونو سره مخ دی چې پکې وچکالي، زلزله او د کډوالو پراخ راستنېدل شامل دي.
