د بلخ ولایت ځایي چارواکي وایي، د اوزبکستان د ۴۰۰ ټنو بشردوستانه مرستو جوپه چې خوراکي توکي، درمل او طبي وسایل پکې شامل و، هیواد ته را رسېدلې ده. د بلخ ولایت رسنیز دفتر خبر ورکړی، چې په ۲۰ باربرۍ موټرو کې بار دغه جوپه د یاد ولایت مقام ته د حیرتان په بندر کې وسپارل شوه. سرچینې ویلي، چې د مرستو سپارلو په دې مراسمو کې د بلخ والي محمد یوسف وفا او د اوزبکستان د ولسمشر ځانګړي استازي عصمتالله ایرګشوف حضور درلود.
