د میدان وردګو ولایت ځایي چارواکو خبر ورکړی، چې د دغه ولایت د جلریز ولسوالۍ په تکانې سیمه کې د ۱۰۰زرو ډالرو په لګښت د یوه روغتیايي مرکز د رغولو چارې پيل شوې دي. سرچینې ویلي، چې د ياد ولايت والي ملا خیرالله خیرخواه په جوړو شویو مراسمو کې د خپلې وینا پر مهال پر قومي مشرانو او عالمانو غږ کړی چې په وحدت او یووالی سره د دغه ولايت په پرمختګ کې ونډه واخلي. د سرحدونو، قومونو او قبايلو چارو وزارت معين مولوي عنایت الله شجاع بیا ويلي، چې د هیواد دابادۍ او پرمختګ لپاره به شپه او ورځ نه ستړې کېدونکې هڅې وکړي.
