د ایران د بهرنيو چارو وزارت ویلي، چې تهران د افغانستان او پاکستان تر منځ د شخړو د دوام په اړه سخت اندېښمن دی. د یاد وزارت ویاند اسماعیل بقايي په تهران کې د خپل اونیز کنفرانس په ترڅ کې ویلي، چې ایران له افغانستان او پاکستان سره کلتوري، تاريخي او مذهبي نږدېوالی لري او دغه راز له دواړو هېوادونو سره ګډه پوله لري. نوموړي زیاته کړې، چې په همدې لامل تهران له لومړیو ورځو راهيسې د دواړو هېوادونو ترمنځ منځګړتوب ته تیاری ښودلی دی او په ډاګه کړې یې ده، چې د تاوتریخوالي د کمولو او د خبرو له لارې د اختلافاتو د حل لپاره هر ډول مرسته کولای شي
