د ایران د پارلمان غړي محسن زنګنه د خراسان رضوي ولایت د سوداګرو خونې په ناسته کې ویلي، چې په تېرو ۲کلونو کې څه باندې زر تنه افغان پانګوال د اسعارو د ستونزو له امله له ایران څخه وتلي او خپل فعالیتونه یې په افغانستان کې پیل کړي دي. نوموړي زیاته کړې، چې د تېرو۲ کلونو په موده له ایرانه یاد شمېر افغانانو خپل شرکتونه او پانګې لېږدولې دي. محسن زنګنه ویلي، چې د بهرنیو پانګوالو لپاره اسانتیا رامنځته کولو سره به افغان پانګوال هم په راتلونکو څلورو کلونو د ۲ تر ۳ میلیاردو ډالرو په ارزښت پانګونه وکړي.
