په افغانستان کې د ملګرو ملتونو د ماشومانو د ملاتړ صندوق (یونیسف) پر خپله اېکس پاڼه لیکلي، چې ماشومان د هوا په سړېدو سره له تنفسي انتاناتو سره ډېر مخ کیږي. دغه بنسټ د ناروغو ماشومانو د درملنې لپاره په ټول هیواد کې روغتیايي مرکزونو ته درمل او نور اړین توکي لیږي. دا مرسته په داسې حال کې کېږږي چې سړه هوا، اقتصادي ستونزې او په لېرې پرتو سیمو کې د روغتیایی خدمتونو د نشتوالي له امله ماشومان پر ډېرو ناروغیو د اخته کېدو له خطر سره مخ کېږي. تر دې وړاندې په افغانستان کې د یونیسف استازي ویلي و چې د ماشومانو د بې وزلۍ زیاتوالی، شخړې او اقلیمي ناورینونه په دغه هیواد کې د ماشومانو راتلونکی ګواښوي. هغه خبرداری ورکړی و، چې په افغانستان کې د حیاتي خدمتونو لپاره د بودیجې سخت کمښت ماشومان له خپلو حقونو او د راتلونکي لپاره له فرصتونو محروموي.
