د بېپولې ډاکټرانو سازمان په خپاره کړي راپورکې ویلي، چې د تېرو ۱۰ کلونو پرمهال د کونړ زلزله تر ټولو خونړۍ طبیعي پېښه وه چې له کبله یې، ۲۲۰۰ کسانو خپل ژوند له لاسه ورکړی او څه باندې ۳۰۰۰ نور ټپیان شوي دي. د دغه سازمان مسوولین وايي چې له زلزلې وروسته یې، د لومړیو ورځو پرمهال ۳روغتونونو ته په بېړنۍ توګه مرستې رسولې دي. د بېپولې ډاکترانو سازمان زیاته کړې چې دغه سازمان د کونړ نورګل ولسوالي پټان کمپ کې د شپې او ورځې درملیز مرکز جوړ کړی او له دې سربېره یې، په شوماش کلي کې اريګمبه کمپ کې هم خدمات پراخ کړي دي.
