د غور ولایت د ټولګټو ریاست مسوولین وایي، چې د غور ـــ دایکنډي د ۳۰ کیلومتره غځېدلي سړک د کرېړ اچولو او بیا رغولو چارې بشپړې شوې دي. د مسوولینو په خبره یاد سړک ۳۰ کیلو متره اوږدوالی او ۷ متره سور لري، چې چارې یې د ټولګټو وزارت لوري د ۲۶ میلیونه ۱۹۸ زره ۱۳۶ افغانیو په لګښت بشپړې او ګټې اخیستنې ته سپارل شوې دي. د مسوولینو په خبره د یادې لویې لارې په مسیر کې د ۱۹ پلچکونو او واشونو جوړول هم شامل دي، چې پر مټ به یې د سیمې اوسېدونکو د تګ راتګ ستونزې هوارې شي.
