د امریکا ولسمشر ډونالد ټرمپ په ټینګار سره ویلي، چې اوکراین باید د پنجشنبې د ورځې مخکې د امریکا د سولې طرحه ومني چې د هغه په خبره دا د جګړې د ختمولو لپاره مناسبه نیټه او لاره ده. ټرمپ د تېرې جمعې په ورځ له فاکس نیوز سره په مرکه کې وویل، که اوکراین خپل پوځي عملیات روان وساتي، د دونباس پاتې سیمې به له لاسه ورکړي او ټاکل شوې موده د سولې لپاره مناسبه ده. ټرمپ زیاته کړه چې د روسیې ولسمشر ولادېمیر پوتین غواړي نورې جګړې ونهکړي او که روسیه د بالتیک سیمو پر وړاندې اقدام وکړي، هغه به وتوانیږي چې د پوتین مخه ونیسي.
