د کورنیو چارو وزیر خبرداری ورکړی، چې که یو ځل بیا د افغانانو زغم و ازمایل شي، دا ځل به یې غبرګون سخت وي. هغه ویلي، که څه هم پرمختللې وسلې نه لري، خو د بریا قوي اراده لري. حقاني زیاته کړې، چې په قطر او ترکیه کې پاکستاني پلاوي ته ویل شوي، چې خپلې ستونزې دې د خپل هېواد دننه حل کړي. نوموړي له دې پرته چې د کوم هېواد نوم واخلي، څرګنده کړې چې ځینې هېوادونه د خپلو ګټو لپاره د نورو هېوادونو پر حریم تېری کوي. د ا.ا دغه لوړپوړي چارواکي د هېواد د دفاع مشروع حق ته په اشارې ویلي، افغانستان له نړۍ سره د ښو اړیکو غوښتونکی دی. هغه همدارنګه ویلي، د کابل او اسلامآباد اړیکې لا پسې ترینګلې شوې او تر اوسه د دواړو هېوادونو ترمنځ خبرې کومې پایلې ته نه دي رسېدلي.
