د عامې روغتیا وزارت په خپره کړې خبرپاڼه کې ویلي، چې د دغه وزارت وزیر مولوي نورجلال جلالي په افغانستان کې د ملګرو ملتونو د پراختیایي پروګرام ((یو این ډي پي) له رییس سټیفن رودریګز سره کتلې دي. سرچینې ویلي، چې په دې کتنه کې د روغتیايي مرکزونو لپاره د لمریزې برېښنا سیسټم پر جوړولو او د دې پروسې پر لا ادامې ، د محیطي روغتیا برنامو پر پېل او غښتلتیا، د طبي کثافاتو پر مدیریت، د محیطي روغتیا اړوند ټرینرانو او روغتیایي کارکوونکو د ظرفیت لوړونې او روزنې، د ملاریا، توبرکلوز او اېچ آی وي ناروغیو د مخنیوي او د دې ناروغیو د مخنیوي اړوند څانګو پر هر اړخیز ملاتړ بحث او خبرې شوې دي. ورته مهال، د ملګرو ملتونو د پراختیایي پروګرام رییس په یادو شویو برخو کې د دومداره ملاتړ ژمنه کړې او زیاته کړې یې ده، چې هڅه کوي، د افغانستان روغتیایي سیستم سره په دوامداره توګه همکاري ترسره کړي.
