د کرکټ نړېوالې شورا (ای سي سي) په تازه اعلان کړې درجه بندۍ کې د افغان کرکټ ملي لوبډلې دوه پياوړي لوبغاړي عظمت الله عمرزی او محمدنبي عیسی خېل د غوره الراونډرانو په لیست کې لاهم لومړی او دویم ځای ساتلی دی. دواړو افغان لوبغاړو په غبرګولي میاشت کې دغه مقامونه ترلاسه کړي. د کرکټ د نړیوالې شورا د معلوماتو له مخي، چې عظمت الله عمرزی د ۲۹۶ امتیازونو په لرولو سره لومړۍ او محمدنبي د ۲۹۲ امتیازونو په لرولو سره دویم ځای کې دی. د زیمبابوې لوبغاړی سکندر رضا د ۲۹۰ امتیازونو په لرولو سره درېيم ځای لري.
