د صنعت او سوداګرۍ وزارت وايي، چې افغانستان اوسمهال له سلو زیاتو هېوادونو سره سوداګریزه راکړه ورکړه لري. د صنعت او سوداګرۍ وزیر نورالدین عزیزي ویلي، چې پاکستان، ایران، هند، چین، روسیه او ازبکستان اوسمهال د افغانستان تر ټولو مهم سوداګریز شریکان دي. ورته مهال د دغه وزارت مرستیال مولوي احمدالله زاهد وايي، چې له ټولو خنډونو سره-سره افغانستان د سوداکرۍ کچه شاوخوا ۱۳ ملیارده ډالرو ته رسولې ده. نوموړی وايي، اسلامي امارت هڅه کوي، چې د بندرونو په معیاري کولو سره افغان سوداګرو ته نوې لارې پرانیزي.
