د لوګر په کوربهتوب د پکتیا، پکتیکا، خوست او غزني ولایتونو د ۱۶۰ غوره لوبغاړو ترمنځ یو ورځنۍ رزمي سیالۍ ترسره شوې. د لوګر د بدني روزنې او ورزش امر انجنیر مزمل نعیمزي ویلي، چې دغه سیالۍ د لوګر ولایت په کوربهتوب د المپیک ملي کمېټې له لوري جوړې شوې وې. نوموړي وویل، چې یادې سیالۍ د سوېلختیځ زون په کچه د ورزشکارانو ترمنځ د همغږۍ، د هغوی د ظرفیت لوړولو او د غوره لوبغاړو پېژندلو په موخه ترسره شوې. د نعیمزي په خبره، د المپیک ملي کمېټه هڅه کوي چې د سوېلختیځ زون په نورو ولایتونو کې هم دغه ډول سیالۍ جوړې کړي.
