د غزني ولایت د ښاروالۍ ریاست مسوولینو خبر ورکړی، چې د دغه ولایت په مرکز کې د ۱۷ میلیونه افغانیو په لګښت د دوو پروژو چارې بشپړې شوې دي. د غزني ښاروال مولوي محمد نبي حمزه رسنیو ته ویلي، چې د دغه ولایت په مرکز نوآباد سیمې اړوند د کډوالو ښارګوټي کې د نړیوال بانک په مالي ملاتړ د ۱۷ میلیونه افغانیو په لګښت د یوه کانال او یوه سړک د جوړولو چارې بشپړې او ګټې اخیستنې ته سپارل شوې دي. د نوموړي په خبره، په دغو پروژو کې د ۶۰۰ متره په اوږدوالي د یوه کانال او د ۶۰۰ متره په اوږدوالي د یوه سړک د جوړولو چارې شاملې وې.
