رویټرز خبري اژانس په یوه راپور کې ویلي، چې امریکا او سوېلي کوریا اعلان کړی، چې دواړه هېوادونه به د روانې اګسټ میاشتې له ۱۸مې نېټې په لوړه کچه ګډ پوځي تمرینات پیل کړي. راپور کې راغلي، چې «د ازادۍ اولچي ډال» په نوم دغه دفاعي تمرینونه به ۱۱ورځې دوام وکړي. په راپور کې د سوېلي کوریا د پوځي چارواکو په حواله ویل شوي، چې د سږ کال نیمایي تمرینونه د ناسمې هوا له امله سپټمبر ته لېږدول شوي او ټینګار یې کړی چې دغه پرېکړه سیاسي انګېزه نهلري. د دې تمرینونو هدف د شمالي کوریا د اټومي ګواښونو او د پرمختللو پوځي ټېکنالوژیو کارونې لپاره چمتووالی ښودل شوی دی.
