د اوبو او انرژۍ وزارت خبر ورکړی، چې د دغه وزارت سرپرست وزیر ملا عبداللطیف منصور د ډاکټر حیاتالله عتید په مشرۍ د قطر، ترکيې او افريقايي هېوادونو له يو شمېر پانګهوالو سره کتلي دي. د سرچینې د مالوماتو له مخې په دې کتنه کې سرپرست وزیر ویلي، چې اوس په افغانستان کې د برېښنا د تولید پروژو لپاره له هر اړخه د پانګونې زمینه برابره شوې ده. دغه راز په دې کتنه کې د افغانستان له بېلابېلو سرچینو د برېښنا د تولید پروژو کې د پانګونې پر موضوع بحث شوی او د دې وزارت او پانګهوالو ترمنځ د تخنیکي ټیمونو ترمنځ د همغږۍ ناستو پر ترسره کولو ټینګار شوی، چې پانګونې د عملي پړاو لپاره زمینه برابره شي.
