د کونړ د ټولګټو چارو ریاست مسوولین وایي، چې د دغه ولایت د څوکۍ ولسوالۍ په دیوګل درې کلي کې د ۶ میلیونه افغانیو په لګښت د ۵۵ کیلومتره سړک د پراخولو او پاکولو چارې پیل شوې دي. د څوکۍ ولسوال محمد ابراهیم ثاقب رسنیو ته ویلي، چې د یاد سړک د پراخولو او پاکولو چارې د ټولګټو چارو ریاست له لوري د ۶ میلیونه افغانیو په لګښت د یادې ولسوالۍ د دیوګل درې کلي کې پیل شوې چې په پراخېدوسره به یې د خلکو په تګ راتګ کې اسانتیاوې برابرې شي. په ورته وخت کې د ټولګټو چارو ریاست انجنیرخالد بیا ویلي، چې د دغه سړک هرځای چې د غرښويېدنې له امله بند شوی دی پاک او پراخ کړي، چې د سیمې د اوسېدونکو په تګ راتګ کې اسانتیاوې رامنځته شي.
