د ټرانسپورټ او هوايي چلند وزارت چارواکو د تېر یوه کال د لاسته راوړنو شریکولو غونډې ته ویلي، چې په تېر یوه کال کې د افغانستان له هوايي حریم څخه ۹۶زره او ۵۰۰ عبوري الوتنې شوي چې په اوسط ډول یوه شپه او ورځ کې ۲۷۰ الوتنې کیږي. د یاد وزارت چارواکو دغه راز زیاته کړې، چې تېر یوه کال کې د هېواد له هوايي ډګرونو څه باندې ۱۴ زره الوتنې شوي چې له جملې څخه یې ۷ زره او ۶۶۵ الوتنې د کابل له هوايي ډګر ترسره شوي دي. د دوی په خبره ټرانسپورټ او هوايي چلند وزارت تېر یوه کال کې څه باندې ۵۰ پروژې ترلاس لاندې نیولي چې له ډلې څخه یې ۳۰ پروژې ګټې اخیستنې ته سپارل شوې دي.
