د فرانسې خبري اژانس راپور ورکړی، چې د تایلینډ او کمبوډیا ترمنځ تر سرحدي نښتې وروسته تایلینډ په کمبوډیا کې دوه پوځي اهداف بمبار کړي دي. په راپور کې ویل شوي چې په نومپن کې د تایلینډ سفارت له خپلو وګړو څخه غوښتي چې له کمبوډیا څخه ووځي. هوایي بریدونه وروسته تر هغې وشول چې د دواړو هیوادونو ځواکونه د یوې جنجالي سرحدي سیمې په سر سره ونښتل. د یادې نښتي په اړه نور بشپړ مالومات نه دي ورکړل شوي.
