د کډوالۍ نړۍوال سازمان مشرې مې هیونګ پارک ویلي، چې له ایران او پاکستان نه د افغان کډوالو د راستنېدو دویمه څپه پر لاره ده. نوموړې دغه څرګندونې پرون د اروپایي ټولنې په څلورمې بشري ناسته کې کړې دي. اغلې پارک له ایران او پاکستان نه د ستنېدونکو کډوالو پر وضعیت د اندېښنې په ځرګندولو سره ویلي، چې له پاکستان نه د کډوالو د ستنېدو پرمهال دوی ته د خپلو شتمنیو د پلورلو او لېږد اجازه هم نه ورکول کېږي.
