د راپورونو له مخې د قطر امیر شیخ تمیم بن حمد الثاني د یو پلاوي په مشرۍ ایران ته تللی دی او د دغه هېواد له مذهبي مشر ایتالله خامنهيي سره یې لیدلي دي .د سرچینې د مالوماتو له مخې علي خامنه يي د قطر له امیر تمیم بن حمد آل ثاني سره په دې کتنه کې د ایران د اسلامي جمهوریت او قطر ترمینځ موافقو ته په اشارې سره ویلي، چې په تهران کښې رامینځته شوې موافقې باید د دواړو هیوادونو په ګټه وي او دواړه خواوې د پخوا په پرتله د خپلو ګاونډیو دندو د ترسره کولو توان ولري. د قطر امیري محکمې په یوه بیان کې لیکلي، چې د دغه هېواد امیر او علي خامنه يي د دوه اړخیزو اړیکو او سیمه ییزو او نړیوالو مسایلو په اړه خبرې اترې کړې دي. د قطر امیر په داسې حال کې ایران ته سفر کړی، چې له دې وړاندې هند ته په ۲ ورځني سفر تللی و.
