د خوست ولایت ځایي چارواکي وایي، چې د دغه ولایت په نادر شاه کوټ ولسوالۍ کې د ۱۴ کیلومتره سړک د جوړولو چارې پیل شوې دي. د دې پروژې د پیل په مراسمو کې د خوست مرستیال والي ویلي، چې دغه سړک د کورنیو چارو وزارت د سرپرست په مالي ملاتړ د نادر شاه کوټ ولسوالۍ د ځینې خیلو بازار څخه تر قلندر ولسوالۍ پورې په اساسي ډول جوړېږي. د خوست ولایت اوسېدونکو د دې پروژې د پیل په اړه خپله خوښي څرګنده کړه او زیاته یې کړه چې د یاد سړک په جوړېدو سره به د تګ راتګ په برخه کې د یادې سیمې د خلکو شته ستونزې حل شي.
