د بامیانو ولایت د کلیو، بیارغونې او پراختیا ریاست مسوولینو خبر ورکړی، چې د روان کال په ۸ میاشتو کې په دغه ولایت کې د ۷۰ میلیونه افغانیو په لګښت بېلابېلې پروژې پلې شوې دي. د مسوولینو په خبره په دې رغنیزو پروژو کې د اوبو رسولو ۳۸ شبکو جوړول او ترمیمول، د ۲۲ څاګانو کیندل د ۹۰۰ متره کانال او د ۳۷۰۰ کیلومتره سړکونو د بیارغولو او جوړولو چارې شاملې دي. د یا ولایت ځایي مسوولین زیاتوي چې د روان کال له پیله تر دا مهاله د باميانو له مرکز څخه د شهيدانو سيمې پورې د پنځه کيلومتره سړک جوړ شوى او د قرغيو- پاس رويه يکاولنګ د سړک چارې ٨٠ سلنه بشپړې شوې دي. د یادونې وړ ده، چې یاد ریاست د راتلونکي کال لپاره د اوبو رسولو د ۷۳ شبکو د جوړولو پلان لري.
