د چین مرستیال لومړی وزیر/سانوفي
ایډي: 8406396
نېټه: د دسمبر 3، 2024
ځای: بېجینګ چین
موده:۴۱ ثانیې
سرچینه: CGTN
محدودیتونه: د چینايي وګړو لپاره نه ده
خپور شوی: 2024-12-03 10:32
وروستی سمون: 2024-12-03 10:46
بشپړ خبر
د چين مرستيال لومړي وزیر هه لي فېنګ هيله څرګنده کړې چې فرانسوي او نور اروپايي شرکتونه به په چين کې خپلې سوداګرۍ پراخې کړي او د پرمختګ له فرصتونو به ګټه پورته کړي.
هغه دغه څرګندونې په بېجينګ کې د فرانسې د درمل جوړونې د شرکت سانوفي له مشر فريدريک اوديا سره د ليدنې پر مهال وکړې.
ښاغلي هه لي فېنګ زیاته کړه چې چین د فرانسې او اروپا ترمنځ ګډې اقتصادي او سوداګریزې ګټې لري، چې د همکارۍ او پرمختګ لپاره پراخ فرصتونه رامنځته کوي. هغه د چین پر پرله پسې ډول نړیوالو بازارونو ته د پرانیستو په اړه خبرې وکړې او وویل چې چین د قانوني او نړیوالو معیارونو پر بنسټ یو مناسب سوداګریز چاپېریال رامنځته کوي.
نوموړي د فرانسوي او اروپايي شرکتونو، په ځانګړي ډول د سانوفي شرکت هرکلی وکړ چې په چين کې یې خپل پرمختګ ته دوام ورکړي او د دې پرمختيايي فرصتونو څخه یې ګټه پورته کړي.
په همدې توګه په یاده ليدنه کې د فرانسې د درمل جوړونې شرکت سانوفي مشر فريدريک اوديا وويل، چې د دوی شرکت د چين د اقتصادي پرمختګ په راتلونکي باور لري، او غواړي په چينايي بازار کې خپل حضور لا پراخ کړي څو د چين فرانسې او اروپا ترمنځ په متقابلو ګټو ولاړه همکاري کې نور عملي پرمختګونه وکړي.
