چين او جاپان غواړي په ګډه د زرغون پرمختګ په برخه کې کار وکړي

جاپان-چین/زرغون پراختیا

ای‌ډي: 8403168

نېټه: د نومبر 9، 2024

ځای: جاپان

موده: ۵۲ ثانیې

سرچینه: (CCTV)

محدودیتونه: د چینايي وګړو لپاره نه ده

خپور شوی: 2024-11-10 11:14

وروستی سمون: 2024-11-10 13:48

بشپړ خبر

چین او جاپان موافقه کړې چې د انرژۍ د سپمولو او چاپېریال ساتنې په برخه کې به خپلې همکارۍ لا نورې هم پیاوړې کړي.

دغه هوکړه د شنبې په ورځ د جاپان په توکيو ښار کې د انرژۍ او چاپېريال ساتنې په اړه د چين او جاپان په ١٧م جامع فورم کې اعلان شوه.

دغه فورم د چين د ملي پرمختګ او اصلاحاتو کمېسيون، د سوداګرۍ وزارت، د جاپان د اقتصاد، سوداګرۍ او صنايعو وزارتونو (METI) او د جاپان- چين اقتصادي ټولنې په ګډه کوربه توب سره جوړ کړی و.

چين او جاپان دواړو د انرژۍ او چاپېريال ساتنې په برخو کې د همکارۍ د ژورتيا، د زرغون او کم کاربن خپراوي ټېکنالوژۍ په برخه کې د همکارۍ د پياوړتيا، دغه راز د اقليمي بدلون پر وړاندې د مبارزې لپاره د همکارۍ د پياوړتيا او د نړيوال او سيمه ييز زرغون او کم کاربن خپراوي پرمختګ لپاره هم خپله لېوالتيا څرګنده کړې ده.

د یاد فورم په جریان کې د دواړو هېوادونو څه باندې ۸۰۰ ګډونوالو برخه اخیستې وه او په پنځو فرعي فورمونو کې یې ۲۷ د همکارۍ تړونونه لاسلیک کړل.

د یادونې وړ ده چې دغه فورم له ۲۰۰۶ کال راهیسې په برياليتوب سره ١٧ ځلې تر سره شوی چې موخه يې د انرژۍ سپمولو، د چاپېريال ساتنې او د زرغون پرمختګ په برخو کې د چين او جاپان ترمنځ د همکارۍ پياوړتيا ده، چې تر اوسه پورې پکې شاوخوا ۴۵۷ د همکارۍ پروژې لاسلیک شوې دي.