د فوټسال نړیوال جام سیالیو په لړ کې برازیل لوبډلې اوکراین ته په ماتې ورکولو سره پایلوبې ته لار موندلې ده. د دواړو لوبډلو ترمنځ په دې لومړۍ نیمه پایلوبه کې چې پرون د ازبکستان هېواد په کوربهتوب ترسره شوه، د لوبې تر پایه برازیل درې او اوکراین دوه ګولونه ووهل. دویمه نېمه پایلوبه به نن د ارجنټاین او فرانسې ترمنځ ترسره شي. ټاکل شوې چې د فوټسال نړیوال جام سیالیو پایلوبه د اکټوبر په ۶مه نېټه ترسره شي. د ویلو ده چې په سږنیو فوټسال جام سیالیو کې افغان لوبډلې هم په لومړي ځل برخه اخیستې وه او د شپاړلس غوره لوبډلو په پړاو کې یې ماتې وخوړه.
