د ملګرو ملتونو د موقت ځواک /سولې ساتنې تمدید
ایډي: 8392205
نېټه: د اګست 28، 2024
ځای: بېلابېل
موده: یوه دقیقه او ۳۳ ثانیې
سرچینه: (CCTV)، نور
محدودیتونه: ويډيويي صحنې وګورئ
خپور شوی: 2024-08-28 19:28
وروستی سمون: 2024-08-28 19:32
ویډیويي صحنې
د ملګرو ملتونو مرکزي دفتر نیویارک ښار – نېټه نامعلومه (CCTV)د چینايي وګړو لپاره نه ده
۱ـ د ملګرو ملتونو مرکزي دفتر، سیند
۲ـ د ملګرو ملتونو بیرغ
بشپړ خبر
د ملګرو ملتونو امنیت شورا پرون چهارشنبه یو پرېکړه لیک تصویب کړ چې له مخې به یې په لبنان کې د خپل موقت ځواک ماموریت (UNIFIL) د ۲۰۲۵ کال تر اګست میاشتې پورې وغځوي.
د ۲۷۴۹م پرېکړه لیک په تصویبولو سره د ملګرو ملتونو امنیت شورا د ۲۰۰۶ کال ۱۷۰۱ پرېکړه لیک بشپړ پلي کولو غوښتنه هم وکړه او په ټولو ښکېلو اړخونو یې غږ وکړ چې د نیلي کرښې په اوږدو کې د لبنان او اسراییل ترمنځ د سرحدي سیمې د ثبات او دغه راز د تاوتریخوالي د کمولو لپاره سمدستي ګامونه پورته کړي.
یادې شورا د ملګرو ملتونو سرمنشي څخه وغوښتل چې د خپل موقت ځواک ماموریت چمتو وساتي څو په سیمه کې د تاوتریخوالي کمولو ملاتړ لپاره خپل اقدامات تنظیم کړي. یادې شورا دغه راز په هرو څلورو میاشتو کې د ۲۰۰۶ کال ۱۷۰۱ پرېکړه لیک پلي کولو په اړه د دوامداره راپور ورکولو غوښتنه هم وکړه.
یاد پرېکړه لیک ته له رايې ورکولو وروسته په ملګرو ملتونو کې د چين دايمي استازي مرستيال ګنګ شوانګ وويل چين د امنيت شورا د پرېکړې هرکلی کوي.
نوموړي دغه راز ویلي، دا پرېکړه لیک د ټولو دښمنیو د پای ته رسولو او تلپاتې اوربند ته د رسېدو لپاره د امنیت شورا قوي سیاسي تعهد بیا تاییدوي، د هغه په خبره دا پرېکړه لیک په ښکاره ډول د تاوتریخوالي د دورې ماتولو او سولې او ثبات ته د ودې ورکولو غوښتنه کوي، نوموړی دغه راز زیاتوي چې د لبنان او اسراییلو تر منځ د زیاتېدونکي کړکېچ په پام کې نیولو سره دا پرېکړه خورا مهمه ده موږ هیله لرو چې د جګړې ټولې خواوې په صادقانه توګه یاد پرېکړه لیک ته غاړه کېږدي، جګړه ودروي او د تلپاتې سولې په لور د کار کولو لپاره ژر تر ژره بیا خبرې اترې پیل کړي.
نوموړي پر دې ټينګار وکړ چې بېجینګ چمتو دی چې له نړيوالې ټولنې سره په پرله پسې توګه د ملګرو ملتونو د موقت ځواک د ماموريتونو په ترسره کولو کې مرسته وکړي.
د یادونې وړ ده چې د ملګرو ملتونو د موقت ځواک دغه ماموریت چې په اصل کې د امنیت شورا لخوا د ۱۹۷۸ کال په مارچ میاشت کې رامنځته شوی چې له لبنان څخه د اسراییلو وتل تایید کړي، او همدارنګه د سولې او امنیت په راوستلو او په سیمه کې د لبنان د حکومت سره د خپل واک په بیا رغولو کې مرسته وکړي. ویل کېږي چې په ۲۰۰۶ کال د حزب الله او اسراییلو تر منځ د جګړې وروسته یاد ماموریت پراخ شو څو د دښمنۍ د پای ته رسېدو څارنه وکړي او د لبنان په سوېل کې د لبنان د وسله والو ځواکونو د ځای پرځای کولو ملاتړ وکړي.
د ملګرو ملتونو د موقت ځواک ماموریت د یو راپور له مخې، چې دغه ځواک اوس مهال د ۴۸ مرستندویو هېوادونو څخه څه باندې ۱۰۵۰۰ سوله ساتونکي لري.
