د افغانستان د فوټبال فدراسیون مسوولینو خبر ورکړی، چې د فوټسال غوره لیګ درېیم پړاو سیالۍ به سبا د جمعې په ورځ پیل شي. د مالوماتو له مخې دغه لوبې به د افغانستان د فوټبال فدراسیون د فوټسال کمېټې په جمنازیوم کې د ۱۰ لوبډلو په ګډون ترسره شي. د فوټبال فدراسیون د خپرې کړې خبر پاڼې له مخې، د دې لیګ په لومړي ګروپ کې شمس، اریا فورس، زیتون، اتحاد هرات، برادران خواجهزاده او په دوهم ګروپ کې ظاهر اسد، صداقت، جوانان میهن، سعادت نیمروز، او پنجشیر لوبډلې به یو بل سره مخامخ شي. د افغانستان د فوټسال غوره لیګ درېیم پړاو سیالۍ سږکال په داسې حال کې ترسره کیږي، چې د افغانستان فوټسال ملي لوبډلې د ۲۰۲۴ کال د فوټسال نړیوال جام ته هم لار موندلې ده.
