د کورنیو چارو وزارت خبر ورکړی، چې په بدخشان کې ۵۵۸ جریبه ځمکه له کوکنارو څخه پاکه شوې ده. په دې وروستیو اونیو کې سرپرست حکومت بدخشان ته د کوکنارو د ځمکو د ویجاړولو لپاره سلګونه جنګیالي او پوځي تجهیزات درایم، ارګو او جرم ته لېږلي دي. د کورنیو چارو وزارت په یوه خبرپاڼه کې ویلي، چې دغه کوکنار په جرایم ولسوالۍ او شاوخوا سیمو کې له منځه وړل شوي دي. د سرپرست حکومت چارواکو په داسې حال کې په بدخشان کې د کوکنارو ویجاړولو ته دوام ورکړ، چې د بدخشان د درایم او ارګو ولسوالیو خلکو په پراخو لاریونونو لاس پورې کړی و.
