د غزې تړانګه – شخړه / د سولې خبرې
ایډي : 8375453
نېټه: د مې 1، 2024
ځای: نور
موده: یوه دقیقه او نهه دېرش ثانیې
سرچینه: (CCTV)او (CGTN)
محدودیتونه: ویډیويي صحنې
خپور شوی: 2024-05-06 12:41
وروستی سمون: 2024-05-06 12:45
ویډیويي صحنې
د غزې تړانګه – د می 1، 2024 (د پلور لپاره نه)د چینايي وګړو لپاره نه ده
۱ـ ګڼ شمیر ویجاړې شوې ودانۍ، فاضله اوبه
۲ـ د ملګرو ملتونو افسران تګ راتګ پر مهال
۳ـ بېلا بېلې خېمې، اوسېدونکي، کثافات
۴ـ د اوبو ترلاسه کولو په انتظار کې ډېری خلک او ماشومان په سطلونو ناست دي
۵ـ د بېلابېلو خېمو، فاضله اوبه او مواد
خان یونس، د غزې تړانګه – د اپریل 11، 2024 (CCTV) د چینايي وګړو لپاره نه ده
۶ـ د ویجاړو ودانیو له شا څخه بېلا بېل ډوله تور لوګی پورته کیږي
د رفح ښار، د غزې تړانګه – وروستی (CGTN) د چینايي وګړو لپاره نه ده
۷ـ بېلابېلې خېمې، بې ځایه شوي فلسطینیان
۸ـ بېلابېلې ویجاړې شوې ودانۍ، کثافات، مات شوي وسایل، اوسېدونکي
بشپړ خبر
د مصر د رسنيو د راپورونو له مخې، د تېرې شنبې په ورځ د غزې د شخړې په اړه د اوربند په خبرو اترو کې د پام وړ پرمختګ شوی.
د حماس یو پلاوی د شنبې په ورځ د مصر پلازمېنې قاهرې ته ورسېد چې د مصر او قطر په منځګړیتوب د سولې په خبرو کې برخه واخلي.
په ورته وخت کې ټایمز آف اسراییل د یوې سرچینې په حواله د شنبې په ماښام راپور ورکړ چې د حماس یوې سرچینې ویلي چې د خبرو اترو په ترڅ کې هېڅ پرمختګ نه دی لیدلی او خبرې همداسې پای ته رسېدلې دي.
دغه راز اسراییل د یکشنبې په ورځ د مصر د راپور په ځواب کې وویل چې دوی لا تر اوسه د وروستي تړون محتويات نه دي ترلاسه کړي، او پرته له دې چې لنډمهاله اوربند پای ته ورسېږي، اسراییل به په رفح برید وکړي.
د حماس یوه چارواکي ویلي دي چې دا ډله به تر هغه اوربند ته غاړه نه ږدي چې په غزه کې دایمي اوربند نه وي شوی. د فرانسې خبري آژانس د راپورونو له مخې، دوی همداراز پر اسراییلو تور ولګاوه چې پر غزې د خپل «تېري او اشغال» له پای ته رسولو پرته یوې موافقې ته د رسېدو هڅه کوي.
د حماس یوه بل چارواکي ویلي چې حماس اوس مهال له اسراییلو سره د لنډ مهاله اوربند په تړون غور کوي او وايي چې حماس غواړي په لومړي پړاو کې د لنډمهاله اوربند په بدل کې ۳۳ بندیان خوشي کړي. په ورته وخت کې د العربیه تلویزیون په حواله، دا وړاندیز لاهم تر بحث لاندې دی او نهایي شوی نه دی.
بل خوا یوه جګپوړي اسراییلي چارواکي وویل چې حماس په غزه کې د دایمي اوربند غوښتنې ته دوام ورکوي، کوم چې د دواړو خواو ترمنځ د موافقې احتمال ځنډوي. سربېره پردې، چارواکي ویلي چې اسراییل به یوازې د خبرو اترو لپاره قاهرې ته یو پلاوی واستوي که چېرې دوی د بندیانو د خوشي کولو په اړه مثبت پرمختګ وګوري.
د یادونې وړ ده چې د تېرې شنبې په ورځ، د اسراییلو یوې رسنۍ د سرچینو په حواله ویلي چې اسراییلي لوري تر اوسه وروستۍ موافقه نه ده ترلاسه کړې. د عربي رسنیو د راپورونو په ځواب کې، رسنۍ ویلي چې اسراییل به په غزه کې د پوځي عملیاتو په پای ته رسولو سره د بندیانو خوشي کولو تړون ته په هېڅ حالت کې د موقت اوربند سره موافقه ونه کړي. دغه راز رسنیو ویلي چې د اسراییلو دفاعي ځواکونه (IDF) به د غزې جنوبي ښار رفح ته ننوځي او هلته به د حماس تاسیسات له منځه یوسي.
په غزه کې د روغتیا وزارت د یکشنبې په ورځ اعلان وکړ چې د اسراییلو د روانو بریدونو له امله په غزه کې د فلسطینیانو د مړینې کچه ۳۴۶۸۳ کسانو ته لوړه شوې ده.
دغه وزارت په یوه خبرپاڼه کې ویلي، په تېرو ۲۴ ساعتونو کې د اسرائیلو پوځ په غزه کې درې پوځي عملیات کړي چې له امله یې ۲۹ فلسطینیان وژل شوي او ۱۱۰ نور ټپیان شوي دي.
