د غزې تړانګه – جګړه / مرګ ژوبله
آی ډې : 8374071
وروستۍ نیټه: د اپریل 25/2024
ځای: نور
موده: یوه دقیقه او دیارلس ثانیې
سرچینه: (CCTV) د چین نړیواله تلویزیوني شبکه (CGTN)
محدودیتونه: د چینایي وګړو لپاره نه ده
خپور شوی: 2024-04-25 18:02
وروستی سمون: 2024-04-25 21:09
ویډيويي صحنې
د غزې تړانګه – وروستی (CGTN) – د چینایي وګړو لپاره نه ده
۱ـ ګڼ ویجاړې شوې ودانۍ، کثافات، اوسیدونکي
۲ـ بېلا بېل خلک، په سړکونو کې موټرې
د غزې تړانګه ، البلاح ښار، – د اپریل 17/ 2024 (CGTN) – د چینایي وګړو لپاره نه ده
۳ـ بېلا بېلې ونې؛ بې ځایه شویو فلسطینیانو ته د پناه ورکولو کمپونه
د غزې تړانګه – د اپریل 21/ 2024 (CGTN) – د چینایي وګړو لپاره نه ده
۴ـ بیلابیل اوسیدونکي، میرمنې د خوراکي توکو مرستې ته په کتارونو کې انتظار باسي
د غزې تړانګه د رفح ښار، – وروستی (CGTN) – د چینایي وګړو لپاره نه ده
۵ـ ګڼ شمېر خلک اوبه راوړلو پر مهال
بشپړ خبر
د حماس د روغتیا وزارت د پنجشنبې په ورځ ویلي، چې په غزه کې د اسراییلو د روانو بریدونو له امله د وژل شویو فلسطینیانو شمیر (۳۴۳۰۵) تنو ته رسیدلی دی. د دغه وزارت له خوا په یوه خپره شوې خبرپاڼه کې راغلي، چې د ۲۰۲۳ کال د اکټوبر له ۷مې نیټې د اسرائیلو او حماس تر منځ د جګړې له پیل راهیسې د اسرائیلو پوځ په تېرو ۲۴ ساعتونو کې ۴۳ فلسطینیان وژلي او ۶۴ نور یې ټپیان کړي دي، چې په دې سره د وژل شویو کسانو شمېر (۳۴۳۰۵) او د ټپیانو شمېر ۷۷۲۹۳ ته رسېدلی دی. دغه وزارت زیاته کړې، چې لا هم ډېر قربانیان تر خاورو لاندې بند پاتې دي او په سیمه کې د کورونو د نړېدو له کبله د ژغورنې د ډلې عملیات هم سخت شوي دي. بل خوا د یوې فلسطیني ورځپاڼې د راپور له مخې، د غزې په لویدیځه غاړه کې د اسرائیلو دفاعي ځواکونو (IDF) د مرستو رسولو په یوه غونډه هوايي برید کړی او اته تنه فلسطینیان یې وژلي دي، خو تر اوسه اسرائیلي لوري په دې اړه کوم غبرګون نه دی ښودلی. په ځايي وخت د پنجشنبې په شپه د اسرائیلو عامه نشراتي سازمان راپور ورکړی، چې د اسراییلو لومړي وزیر بنیامین نتنیاهو د جنګي کابینې په غونډه کې په رفح ښار کې د ځمکنیو عملیاتو منظوري ورکړې ده، خو کابینې په دې اړه تر اوسه کومه پریکړه نه ده کړې. دغه راز ټایمز اف اسرائیل د پنجشنبې په ورځ په یو راپور کې ویلي، چې د اسراییلو پوځ په لسګونو ټانکونه او زغره وال موټر د غزې له سویل سره په پوله کې ځای پر ځای کړي دي.
