چین- سلوانيا، د بهرنیو چارو وزیره
آی ډې :8372844
نیټه: د اپریل 17/ 2024
ځای: چین
موده: ۴۶ ثانېې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-04-18 06:09
وروستی سمون: 2024-04-18 06:12
ويډيويي صحنې
چین ، بیجینګ – د اپریل 18/ 2024 (CCTV) د چینايي وګړو لپاره نه ده
۱- تنجا فاجون (له سره رنګ سره) د سلوانيا د لومړي وزیر مرستیاله او د بهرنیو چارو وزیره تنجا فاجون، د غونډې ځای ته ننوتلو په حال کې
۲-د چین د بهرنیو چارو وزیر وانګ یي له فاجون سره د روغبړ کولو پر مهال
۳- د وانګ يي او فاجون تر منځ بېلا بېلې غونډې روانې دي، ګډونوال
بشپړ خبر
د چين د بهرنيو چارو وزير وانګ يي د چهارشنبه په ورځ په بېجينګ کې د سلوانيا د لومړي وزیر له مرستیالې او د بهرنیو چارو وزیرې تنجا فاجون سره خبرې اترې وکړې او دواړو خواوو په بېلا بېلو ساحو کې د همکارۍ د پياوړتيا ژمنه وکړه.
د چين د کمونېست ګوند د مرکزي کميټې د سياسي بيورو غړي او د بهرنیو چارو وزیر وانګ يي وویل، چې شاوخوا له دېرشو کلونو پرمختګ وروسته د چين او سلوانيا تر منځ اړيکې ټينګې شوې او پخې مرحلې ته داخلې شوې دي.
وانګ يي زیاته کړه، چې چين د سلوانيا د حکومت د درک او د چين د اساسي ګټو په اړه د پوهاوي او ملاتړ ستاينه کوي. نوموړي دغه راز وویل، چې چين د سلوانيا د ملي خپلواکۍ، ملي حاکميت او ځمکنۍ بشپړتيا ملاتړ کوي او د سلوانيا د پرمختګ لارې ته درناوی کوي.
وانګ یي د خپلو خبرو په دوام کې تنجا فاجون ته د خپل هېواد له لوري د ۲۰۲۴او ۲۰۲۵ کلونو لپاره د ملګرو ملتونو د امنيت شورا د غير دايمي غړي په توګه د سلوانيا د ټاکلو له امله مبارکي ورکړه او زیاته یې کړه، چین چمتو دی، چې له سلوانيا سره د ملګرو ملتونو د امنيت شورا او نورو نړيوالو بنسټونو ترمنځ همکارۍ پياوړې کړي، تر څو په عادلانه توګه نړيواله حکومتولي پرمخ يوسي.
وانګ یي وویل، چې چین د خطر د مخنیوي په نوم د چین د تړلو سره مخالفت کوي.
هغه پر دې ټينګار وکړ، چې چين او سلوانيا بايد په ګډه د ازادې سوداګرۍ ساتنه وکړي، يو له بل سره همکارۍ پیاوړې کړي او متقابلې ګټې وساتي. نوموړي دغه راز وویل، چين هيله لري، چې سلوانيا به له چينايي شرکتونو سره ازاد، عادلانه او بې توپيره چلند وکړي او په ورته وخت کې چين د سلوانيا د شرکتونو هرکلی کوي، ترڅو په په چين کې پانګونه وکړي او د چين بازار وپلټي.
د سلوانیا د بهرنیو چارو وزیرې فاجون وویل، چې سلوانيا له چين سره خپلو اړيکو ته ډېر اهميت ورکوي او په ټينګه د يو چين تګلاره تعقيبوي او ملاتړ یې کوي. نوموړې دغه راز زیاته کړه، چې سلوانيا دا ځل چين ته تر ټولو لوی اقتصادي او سوداګريز پلاوی لېږلی او غواړي له چين سره د اقتصاد، سوداګرۍ، سیاحت او علمي او تخنيکي اختراع په برخو کې عملي همکارۍ لا ژورې کړي.
فاجون وويل، سلوانيا غواړي، چې د ملګرو ملتونو او نورو څو اړخيزو چوکاټونو په چوکاټ کې له چين سره همغږي او همکاري پياوړې کړي، چې په ګډه د نړيوالو ننګونو سره مقابله وکړي.
