د غزې تړانګه-حماس/د اوربند وړاندیز
آی ډې: 8372296
نیټه: د اپریل 15/ 2024
ځای: نور
موده: درویشت ثانیې
سرچینه: (CCTV) د چین نړیواله تلویزیوني شبکه (CGTN)
محدودیتونه: د چینایي وکړو لپاره نه ده
خپور شوی: 2024-04- 1500:13
وروستی سمون: 2024-04-15 02:19
ویډیويي صحنې
یونس خان ، د غزې تړانګه – د اپریل 11/ 2024 (CCTV) – د چینایي وکړو لپاره نه ده
۱ـ د ویجاړو شویو ودانیو له شا څخه تور لوګي پورته کیږي
۲ ـ بېلا بېلې ویجاړې شوې ودانۍ
یونس خان ، د غزې تړانګه – د اپریل 9/ 2024 (CCTV) – د چینایي وکړو لپاره نه ده
۳ـ بېلا بېلا کاروانونه چې د ویجاړو کورونو څخه تیریږي
۴ـ بېلا بېلې ویجاړې شوې ودانۍ، اوسیدونکي
بشپړ خبر
د غزې واکمن غورځنګ د شنبې په ورځ په یوه بیان کې ویلي، چې د اسلامي مقاومت غورځنګ (حماس) په غزه کې د اوربند د وړاندیز په هکله خپل ځواب مصري او قطري منځګړو ته استولی او په هغه کې یې پر خپلو غوښتنو بیا هم ټینګار کړی دی.
حماس دایمي اوربند، له غزې څخه د اسرائيلي پوځيانو وتل، خپلو کورونو ته د بې ځايه شويو فلسطينيانو بېرته ستنېدل، غزې ته د مرستو رسولو زياتوالى او په سيمه کې د بيارغونې د هڅو پيل د خپلو بنسټیزې غوښتنو په توګه یادې کړې دي.
حماس ټینګار کړی، دوی چمتو دي، چې د اپریل د اتمې د اوربند وړاندیز ته په ځواب کې د بندیانو د تبادلې په اړه له اسرائیلو سره معامله او خبرې وکړي.
خو د اسرائيلو د لومړي وزير دفتر بیا ويلي، چې حماس د اسراييلي برمته شويو کسانو په خوشې کولو کې اصلي خنډ دی. د سرچینې په خبره، چې د غزې د جګړې د پای ته رسولو او له کلابندۍ څخه د اسرائيلي ځواکونو د وتلو په اړه يې د حماس بې بنسټه غوښتنې رد کړې دي.
د اسراییلو د لومړي وزیر د دفتر له خوا په خپره شوې خبرپاڼه کې دا هم ویل شوي، چې حماس د هر ډول معاملې یا جوړجاړي وړاندیز رد کړی دی.
د اسرائيلي رسنيو د راپورونو له مخې د اوربند په مسوده کې به حماس د شپږ اوونيز اوربند په ترڅ کې ۴۰ اسرائيلي برمته شوي او اسرائيل به ۹۰۰ فلسطيني بنديان خوشې کړي، چې له دې جملې سل کسان د عمري بند سزا هم لري.
د راپورونو له مخې حماس هیله لري، چې اوربند په دریو پړاوونو کې ترسره شي. په لومړي پړاو کې د یرغمل شویو ښځو، بوډاګانو او ماشومانو خوشې کول، په دویم پړاو کې د نیول شویو اسرائیلي ښځینه سرتیرو خوشې کول، په دریمه مرحله کې، د نیول شویو ځوانانو خوشې کول او دغه راز د دواړو خواوو د پاتې پرسونل تبادله به وي.
حماس ټينگار کړی چې د اوربند په پلان کې د غزې په تړانګه کې د پاتې يوازيني اسرائيلي کنډک ايستل هم شامل دي.
