ای ډي:۸۳۷۱۶۳۲
نېټه: د اپریل 9/ 2024
ځای: چین، بیجینګ
موده: ۵۴ ثانیې
سرچینه: د چین مرکزي تلویزیون (CCTV)
محدودیتونه: د چینایي وګړو لپاره نه ده
خپور شوی: 2024-04-09 05:34
وروستی سمون: 2024-04-09 05:38
ویډیويي صحنې
چین ،بیجینګ – د اپریل 9، 2024 (CCTV) – د چینایي وګړو لپاره نه ده
۱- د غونډې ځای ته ننوتلو په حال کې
۲- د چین مرستیال ولسمشر هان ژینګ او د سینګاپور د لومړي وزیر مرستیال هینګ سوی کیت او د اقتصادي پالیسیو د همغږۍ وزیر د لاسونو روغبړ کولو په حال کې د عکسونو لپاره تم کیږي( دریږي)
۳- بېلا بېلا غونډي روانې دي
بشپړ خبر
د چين د دولت مرستيال ولسمشر هان ژینګ د سه شنبې په ورځ په بېجينګ کې د سينګاپور د صدراعظم له مرستيال او د اقتصادي تګلارو د همغږۍ له وزير هينګ سوي کيت سره وکتل.
هان وويل، چې تېر کال د چين او سينګاپور ترمنځ د هراړخيز او لوړ پوړي مشارکت رامنځته کېدو د دواړو هېوادونو د راتلونکو دوه اړخيزو اړيکو د ټينګېدو لار روښانه کړې ده.
هان پر دې ټينګار وکړ، چې د چين او سينګاپور همکارۍ ستر ارزښت لري. هغه د سينګاپور سره په بېلا بېلو برخو کې د نژدې همکاریو لپاره چمتووالی څرګند کړ، چې په ټولو برخو کې د پرله پسې تبادلې ساتل، د دوه اړخيزو همکاريو ميکانيزم په اغيزمنه توګه کارول، د يو کمربند او يوې لارې په اړه د لوړ کيفيت لرونکي همکارۍ پياوړتيا، د ساينس او تکنالوژۍ د نوښت په برخو کې د همکارۍ پياوړتيا او د کلتوري چارو د لوړتيا په شمول، د خلکو تر منځ تبادله، او د سیمه ایزې سولې، ثبات، پرمختګ او سوکالۍ په برخه کې د مرستې دوام.
د سینګاپور د لومړي وزیر مرستیال هینګ د سينګاپور او چين ترمنځ بريالۍ او متقابلې ګټورې همکارۍ ته اشاره وکړه. هغه له چين سره د اړيکو ټينګولو په اړه د سينګاپور پر ټينګې ژمنې ټينګار وکړ او د همکارۍ د لا پراختيا لپاره يې چمتووالی څرګند کړ، په تېره بيا د ساينس او تکنالوژۍ د نوښت په برخو کې، د دوه اړخيزو اړيکو د پرله پسې پرمختګ لپاره.
