په افغانستان کې د کاناډا پخواني سفیر ویلي، اوس د دې وخت رارسېدلی، چې ډیپلوماتان يې کابل ته ستانه شي او له سرپرست حکومت سره خبرې او تعامل وکړي. په افغانستان کې د کاناډا پخواني سفیر عارف لالاني په یوه مرکه کې ویلي؛ کاناډا باید له افغانستان څخه وتلې نهوای، بلکې پاتې شوې وای او د اندېښنو د حل لپاره یې له نږدې کار کړی وای. عارف لالاني له ۲۰۰۷ څخه تر ۲۰۰۸ ز کال پورې په افغانستان کې د کاناډا د سفیر په توګه دنده ترسره کړې او له دې مخکې په اردن، عراق او عربي متحده اماراتو کې د کانادا لوړپوړی دیپلومات و. لالاني پر نجونو د بندیزونو په اړه ویلي، چې لویدیځ د دغو بندیزونو د لرې کولو لپاره چټک عمل نهکوي.
