قطر وایي چې په افغانستان کې به د امنیت، ثبات، سوکالۍ او د خلکو د ژوند په چارو کې د پرمختګ لپاره خپلو هڅو ته دوام ورکړي. دوحې دا ژمنه وروسته تر دې کړې چې پرون د قطر د صدراعظم او د بهرنیو چارو وزیر شیخ محمد بن عبدالرحمان بن جاسم ال ثاني په مشرۍ پلاوی په نااعلان شوي سفر کندهار ته ولاړ او هلته یې له رییس الوزا او یو شمېر نورو چارواکو سره وکتل. د قطر د بهرنیو چارو د وزارت په اعلامیه کې راغلي چې د سرپرست حکومت له چارواکو سره د کتنې پر مهال پر هغو لارو چارو خبرې وشوې چې څنګه د افغانانو د اقتصادي او بشري ستونزو اغېزې کمېدلی شي. بل لور ته د سرپرست حکومت ویاند ویلي، چې په دې غونډه کې ژمنه وشوه چې د کابل او دوحې ترمنځ به تماسونه پراخېږي.
