د ابو او برېښنا وزارت چارواکي وايي، په هېواد کې د برېښنا ستونزې د اساسي حل په موخه یې د دغه وزارت په پنځه کلن پلان کې د سروبي د دویم بند او د باغدرې بندونو د جوړولو پروسه شامله کړې ده. د دغه وزارت د چارواکو په وینا، د سروبي د ویمې برخې سروې او نقشه هم بشپړه شوې او د دې پروژې د عملي کار د پيل لپاره پرمختګ شوی دی. د اوبو او برېښنا وزارت مسوولین وايي هڅه کوي په هېواد کې د انرژۍ د تولید په برخه کې هغو پروژو ته لومړیتوب ورکړي چې ژر ګټې اخیستنې ته وسپارل شي.
