د افغانستان سرپرست حکومت په ټول هېواد کې د تور ښیښو لرونکو موټرو په ګرځېدو بندیز ولګاوه. د کورنیو چارو وزارت وايي چې د سرپرست حکومت د مشر د نوي فرمان پر بنسټ د دغه وزارت ټولو کارکوونکو ته د دغه فرمان د عملي کېدو امر شوی دی. د دغه وزارت ویاند ویلي، چې د کورنیو چارو وزارت امنیتي مرستیال ټولو ولایتونو ته د دغه فرمان د تطبیق په اړه جلا جلا حکم لېږلی دی. دا په داسې حال کې ده، چې په تېرو کلونو کې هم د موټرونو د تورو ښيښو د پاکولو په موخه څو ځلې اقدام شوى دى، خو بیا وروسته په ښارونو کې د تورو ښيښو ډېر موټر ليدل کېدل.
