امریکا وايي چې له افغانستان سره یې تراوسه په بشري برخه کې یونیم مېلیارد ډالره مرسته کړې ده. په افغانستان کې د امریکا د سفارت شارژدافېرې کرن ډیکر په یوي آنلاین غونډه کې ویلي، چې په تېرو ۱۸ میاشتو کې د بهرنیو چارو وزارت او د امریکا پراختیايي ادارې له افغانانو سره نږدې یو نیم مېلیارد ډالره مرسته کړې ده. مېرمن دګر وایي، چې دغه مرستې د ښوونې او روزې، تغذیې، روغتیا، کورنیو بېځایه شویو او د کډوالو د بېرته مېشتېدو په برخه کې لګول شوې دي. نوموړې وايي، چې د افغانستان لپاره د همغږۍ ډلې غونډه په هرو څلورو میشتو کې په دوبۍ کې جوړېږي او په وروستۍ غونډه کې له افغانانو سره د مرستو پر دوام ټینګار شوی دی.
