د ښاري اوبو رسولو او فاضلابو امارتي شرکت د کابل ښار لپاره د ورځنۍ ۲۰۰۰ متره مکعبه فاضلابو د تصفیې وړتیا لرونکي ټانکرونو تصفیه خانه سروې او ډیزاین کړې. د ښاري اوبو رسولو او فاضلابو امارتي شرکت د فاضلابو د چارو د تنظیم رییس، انجنیر فایقالله جمال وايي، دا مرکز په نړۍوالو معیارونو سمبال دی او تصفیه شوې اوبه به د ښار د شنو ساحو خړوبولو او د عضوي سرو د تولید لپاره وکارول شي. دغه راز د ښاري اوبو رسولو او فاضلابو امارتي شرکت اجراییوي رییس مولوي غلام الرحمن کظیم، د دې هڅې ستاینه کړې او ټینګار یې کړی چې د دې پروژې له لارې به د کابل ښاریانو د فاضلابو ستونزې حل شي.
