د ملګرو ملتونو د بشري استوګنې پروګرام خبرداری ورکړی، چې په افغانستان کې هوا هر کال د ګرمېدو په حال کې ده. دغه پروګرام په یوه پیغام کې زیاته کړې چې ښارونه د اقلیمي ناورين په لومړۍ کرښه کې دي. د دغه پروګرام په خبره، په کابل ښار کې له هرو پنځو کسانو څلور هغه په غیررسمي استوګنځایونو کې ژوند کوي. یاد پروګرام ټینګار کړی چې دغه ټولنې د هوا د سختو پېښو پر وړاندې ډېر زیانمن دي. د ملګرو ملتونو د بشري استوګنې پروګرام څرګنده کړې چې دغه ګواښونه د ښارونو په کچه د بېړنيو اقداماتو اړتیا څرګندوي.
