د لغمان ولايت د مخابراتو او معلوماتي ټکنالوژۍ رياست مسولینو ويلي، چې په دې ولايت کې د سلام مخابراتي شبکې ۷ نوي سايټونه فعال او ګټې اخېستنې ته سپارل شوي دي. د یاد ولایت د مخابراتو او معلوماتي ټکنالوژۍ رييس عزیزالله حقاني ویلي، چې د مهترلام ښار سربېره په بېلابېلو ولسوالیو او د اړتيا وړ سيمو کې يې د مخابراتو او معلوماتي ټکنالوژۍ وزارت او اترا ادارې په مالي ملاتړ د ۸۴۰ زره امریکايي ډالرو په لګښت د سلام مخابراتي شبکې ۷ نوي سايټونه فعال شوي دي. نوموړي زياته کړه، دا مهال پر دوو نورو سايټونو هم کار روان دی، چې ډېر ژر به يې چارې بشپړې او ګټې اخيستنې ته وسپارل شي.
