د هېواد پخواني ولسمشر حامد کرزي، د کرکټ ملي لوبډلې پياوړي لوبغاړي او لوبډلمشر، راشد خان ته په کرکټ کې د نوي نړۍوال ریکارډ جوړولو مبارکي ویلې ده. ښاغلي کرزي راشد خان او نورو لوبغاړو ته په نړۍوالو سیالیو کې د بریاوو هیله کړې ده. راشد خان په شلاوریزو سیالیو کې خپله ۷۰۰مه ویکټه وړمه ورځ له متحده عربي امارتو سره په لوبه کې ترلاسه کړه او په دې سره د کرکټ د نړۍ په تاریخ کې لومړنی توپاچوونکی شو چې په شلاوریزو سیالیو کې ۷۰۰ ویکټې پوره کوي او دغه ستره نړۍواله کارنامه د ځان او د افغانستان په نوم ثبتوي.
